Dy tenorë dhe një trombist janë tre emrat e deritanishëm në konkursin për drejtorin e ri të Teatrit Kombëtar të Operas dhe Baletit. Ata janë Josif Gjipali, Agim Hushi dhe Petrit Hajro i njohur si Kleanthi Gjika . Ndryshe nga Gjipali dhe Hushi, dy emra të njohur të muzikës klasike dhe më një karriere të konsoliduar, Kleanthi Gjika, është një ish trombist në orkestrën e TKOB, një emër i panjohur dhe i ndryshuar pas emigrimit në Greqi.
Afati i fundit i aplikimit ishte sot. Meqenëse data 20 përkoi më ditë pushimi, Ministria e Kulturës, e zhvendos thirrjen për konkurs deri të Hënën e 22 Gushtit. Pas dorëheqjes së Ilir Kernit, ku as ish – drejtori dhe as Ministria e Kulturës nuk artikuluan arsyen e largimit, u hap konkursi për zëvendësimin e tij.
Një nga kriteret që kandidatët duhet të plotësojnë dhe që për Ministrinë e Kulturës është prioritet dhe parakusht është reforma menaxheriale për zhvillimin e mëtejshëm të Teatrit të Operas dhe Baletit. Kjo reformë do të përbëjë një prej sfidave kryesore të drejtorit të ri, pasi do ti duhet të menaxhojë një institucion vendodhja e të cilit do të ndryshojë nga shfaqja në shfaqje, pas fillimit të rikonstruksionit të parashikuar në Janarin e 2017./ Opinion
