Seriali hit në Netflix, “Emily në Paris” do të rikthehet në dhjetor me sezonin e tij të tretë. Aktorja 33-vjeçare, Lily Collin foli me Cassie DiLaura të ET në shfaqjen e modës Ralph Lauren 2023 Pranverë-Verë në San Marino, Kaliforni ku gjatë intervistës, zbuloi se çfarë mund të presin fansat kur sezoni i ri të fillojë më 21 dhjetor.
“Më shumë trekëndësha dashurie, më shumë dramë, më shumë të qeshura, më shumë modë, më shumë vende, më shumë Francë!” ajo tha. Dhe me shfaqjen tashmë të rinovuar për një sezon të katërt, Collins gjithashtu vuri në dukje se do të kishte vend për “shumë të papritura”.
Përveç rolit të saj kryesor, Collins ka punuar edhe në prapaskenë si producente në projekt.
“Ka qenë e pabesueshme,” tha ajo. “Kam mësuar shumë dhe jam super mirënjohëse që ekipi më frymëzoi të vazhdoj të shpreh veten dhe të zotëroj idetë e mia. Kjo ka qenë një punë e ëndrrave”.
