Trembet Santos, Cristiano Ronaldo zbret në Rinas: Arritëm në Shqipëri

Trajneri i Portugalisë i trembet barazimit që Shqipëria i mori Danimarkës brenda në shtëpi duke kërkuar përqëndrim dhe vlerësim maksimal nga të tijët për kuqezinjtë në sfidën që do të zhvillohet pasnesër në 20:45 në Elbasan. Para ndeshjes Fernando Santos shprehet se “Pas Francës duhet të përgatisim ndeshjen e radhës me Shqipërinë, e cila është tejet e rëndësishme për ne. Situata në krye të grupit tonë kualifikues është bërë shpërthyese, sepse tri skuadrat i ndan vetëm një pikë. Ne jemi të parët, por danezët dhe shqiptarët i kemi shumë pranë. Ndeshja e së hënës me shqiptarët merr rëndësi të jashtëzakonshme. Fitorja na konsolidon në krye, ndërsa çdo rezultat tjetër na kompromenton” – deklaron ai.
Ndërsa portieri i kombëtares portugeze, Rui Patricio parandien se ndeshja ndaj Shqipërisë do të jetë shumë e vështirë. “Të hënën do të jetë një histori tjetër. Shqipëria ka një skuadër të mirë dhe, gjithashtu po lufton për të qenë në finalet e Europianit. Me siguri do të jetë një ndeshje e vështirë”. Ndërsa Ronaldo përmes një postimi në Instagram ka njoftuar mbërritjen në Shqipëri.
UEFA ka caktuar gjyqtarët e ndeshjes Shqipëri-Portugali, kualifikuese e “Euro 2016”, që do të luhet më 7 shtator në “Elbasan Arena”. Kryesor është suedezi multi-milioner Jonas Eriksson, arbitër ndërkombëtar i FIFA-s që nga viti 2002.