Këngëtaret vijnë gjithmonë shumë ndryshe. Ato zgjedhin të duken interesante nga njëra dalje publike në tjetrën, kjo dhe për të tërhequr vëmendjen e adhuruesve të tyre. Një nga trendet e fundit që kemi parë është pikërisht shfaqja me maska në fytyrë qoftë në videoklipe, por dhe koncerte. Fillimisht ishte këngëtarja Çiljeta, e cila në videoklipin e këngës “Gangsta Love”, erdhi pikërisht me një maskë duke ju përshtatur dhe fabulës së këngës.
Pas saj ishte Kida në videoklipin e këngës “Mi amore”, ku në njërën prej skenave të xhiruara ishte me një maskë rrjete të bardhë, por nuk përfundoi me kaq.
Ajo u shfaq sërish me një maskë në klipin e këngës “Mas”, me një rrjetë të formuar nga vetë flokët e këngëtares.
Së fundmi reperja më e re, Tayna është shfaqur në koncertet e saj duke performuar me një maskë në fytyrë dhe kjo ka tërhequr mjaftueshëm vëmendjen e ndjekësve të saj.
Kujtojmë se ishte Beyonce që u shfaq për herë të parë duke kënduar me një maskë së bashku me Jay Z në vitin 2014. Që prej atëherë duket se ky stil është pëlqyer edhe nga këngëtaret shqiptare dhe pritet që të shihet dhe në vitet në vijim. /revistawho.com
