Khloe Kardashian festoi ditëlindjen e saj të 36-të së bashku me familjen dhe miqtë më të afërt të saj. Ajo çfarë i habiti të gjithë në ditën speciale të miliarderes ishte fakti se ajo e injoroi totalisht urimin publik të ish-partnerit të saj, Tristan Thompson.
“Gëzuar ditëlindjen Khloe. Ti je njeriu më i bukur si në pamje dhe në shpirt që kam njohur ndonjëherë. Faleminderit që je një nënë e mrekullueshme për princeshën tonë, True. Ajo është e bekuar që të ka ty në jetën e saj. Të uroj vetëm suksese në jetën tënde. Shijoje ditën Koko”,- shkroi Thompson krah fotos së Kardashian me vogëlushen e tyre 1-vjeçare.
Burime pranë Khloes kanë zbuluar më pas se ky urim i është dukur shumë i çuditshëm dhe se nuk e ka kuptuar arsyen se pse Thompson e ka bërë. Ndërkohë që familja e saj mendon se Tristan e bëri këtë “lëvizje” sepse dëshiron të ketë një imazh të mirë në publik. Megjithatë burimet kanë shtuar se e vetmja gjë që i lidh tashmë të dy është vetëm vajza e tyre, pasi 36-vjeçarja nuk do të kthehej në asnjë lloj mënyre më sërish me të./revistawho.com
