Ish-presidenti i SHBA-së, Donald Trump ka rënë pre e një sulmi me armë zjarri, në një ngjarje që po hetohet si një atentat për vrasje.
Kandidati republikan për Shtëpinë e Bardhe ishte duke mbajtur një takim elektoral në Pensilvani teksa është goditur me një plumb që e ka kapur afër veshit. Nga ngjarja e rëndë ka humbur jetën atentatori, ndërsa janë plagosur dy të tjerë.
Atentatori që tentoi të vriste Trump-in gjatë është një 20-vjeçar vendas. Sipas FBI-së ai është identifikuar si Thomas Matthew Crooks. Ndërkohë në një video në mediat sociale dhe të verifikuara nga New York Times tregojnë personin e dyshuar që qëlloi ndaj Trump.Personi shihet i palëvizur në çatinë e një ndërtese të vogël rreth një çerek milje në veri të skenës ku ish-presidenti po fliste në Butler, Pensilvani. Pozicioni i trupit korrespondon me origjinën e mundshme të të shtënave.
