Pavarësisht vendimit të fundit të gjykatës federale për Sean “Diddy” Combs, Donald Trump po shqyrton mundësinë ta falë producentin muzikor. Megjithatë, ish-presidenti duket se nuk e ka aq të lehtë për shkak të qëndrimeve kritike që Combs ka mbajtur më herët ndaj tij.
Gjatë një interviste të fundit në Newsmax, një rrjet që mbështet fuqishëm Trump-in, ai tha se ndonëse Diddy është dënuar për akuza të transportit të personave për prostitucion, “nuk është plotësisht fajtor”.
“Ai ishte, në thelb, le të themi, gjysmë i pafajshëm,” deklaroi Trump. “Po festonte një fitore, por duket se nuk ishte aq e mirë sa mendonte.”
Diddy, i cili u shpall i pafajshëm për akuzat më të rënda si trafikim dhe komplot kriminal, përballet ende me burgim deri në 10 vite për secilën nga akuzat për transportim të paligjshëm. Vendimi përfundimtar pritet më 3 tetor, dhe ai ka kërkuar lirimin me një garanci prej 50 milionë dollarësh deri atëherë.
Megjithatë, pengesa më e madhe për një falje nuk duket të jetë dosja gjyqësore, por marrëdhënia personale mes dy emrave. Në vitin 2017, Diddy kishte deklaruar për *The Daily Beast* se “nuk i plas fare për Trump”. Ndërsa në vitin 2020, pas humbjes së Trump-it ndaj Joe Biden, ai shtoi: “Njerëz të bardhë si Trump duhet të dëbohen” dhe “Prioriteti numër 1 është ta largojmë Trump-in nga zyra.”
Trump nuk i la pa përmendur këto komente:
“Kur kandidova për president, ai ishte shumë armiqësor,” tha ai për Diddy-n. “Është e vështirë, e kupton? Jemi qenie njerëzore. Dhe nuk na pëlqen që gjërat të errësojnë gjykimin tonë, apo jo? Por kur njeh dikë dhe jeni në marrëdhënie të mira, dhe më pas kandidon për president dhe ai bën deklarata të tmerrshme… kështu që nuk e di… E bën më të vështirë të falet.”
Ndërkohë, pyetur edhe për një tjetër falje të diskutueshme, atë të Ghislaine Maxwell – bashkëpunëtore e ndjerë e Jeffrey Epstein – Trump u shpreh:
“E kam të drejtën ta fal,” por shtoi: “Për momentin, nuk është e përshtatshme të flas për këtë.”
Faljet presidenciale kanë qenë një nga armët më të përdorura nga Trump gjatë mandatit të tij, sidomos për aleatë dhe figura që i kanë shprehur mbështetje, por me Diddy-n duket se emocionalisht është një tjetër histori. Dhe ndoshta, më shumë personale sesa politike.
