Dafina Zeqiri ka qenë shumë aktive këtë verë me koncerte të shumta këtë verë, por ka patur dhe shumë probleme shëndetësore, dhe e ka shprehur gjithë kohës. Ditën e parë të “Sunny Hill Festival” kur ajo do të performonte, ajo u shfaq me një maskë oksigjeni. Kjo shqetësoi fansat e artistes dhe pse kjo e fundit nuk dha asnjë sqarim mbi problemin e saj shëndetësor. Sot Dafina ka lajmëruar fansat përmes një postimi në “Twitter” se i duhet të bëjë një pushim nga koncertet e saj. Këngëtarja u shpreh se i duhet të kujdeset për shëndetin pasi trupi i saj nuk mundet të përballojë më lodhje dhe ka nevojë për pushim të menjëhershëm.
“Trupi im po ‘ulëret’ se unë kam shumë nevojë për t’u kujdesur tashmë për veten time. Vera ishte një çmenduri e vërtetë, ju dua më shumë sesa ju mund t’a imagjinoni! Gjithmonë përpiqem të jap më të mirën time edhe kur jam sëmurë, por tani ka ardhur koha të kujdesem për veten, shëndetin tim, do të shihemi së shpejti!”, ka shkruar Dafina.
