“Tu Si Que Vales”, nesër në Prishtinë në kërkim të talenteve… Ja ku të shkoni

Talent show “Tu Si Que Vales Albania” është në fazën e audicioneve për këtë edicion të dytë, që pritet të startojë me nisjen e stinës së re televizive në ekranin e “Vizion Plus”. Dhe pas audicionit të parë të Tiranës, ku pati një pjesëmarrje të gjerë konkurrentësh me talente të veçantë, e rradhës në kalendarin e qyteteve është Prishtina… Kryeqyteti i Kosovës do të mirëpresë nesër në sallën e Hotel Swiss Diamond (e martë, ora 10:00-16:00) ekipin artistik të “Tu Si Que Vales”, të cilët janë në kërkim të njerëzve me një talent të veçantë, në aktrim, kërcim, këngë, ose në çdo fushë tjetër. Nëse edhe ti mendon se ke një talent të veçantë, ndryshe nga të tjerët, atëherë ky është momenti yt. Mos mungo nesër, në Hotel Swiss Diamond, ora 10:00-16:00. “Tu Si Que Vales” përmbylli edicionin e parë të tij me fituese Denisa Onjea, ndërkohë që në vendin e dytë u renditën dy motra akrobate dhe në të tretin dy vëllezër kitaristë nga Kosova.