U bë kohë që Tuna paralajmëron bashkëpunimin e saj me artistin e famshëm amerikan të hip-hop Fatman Scoop. Por duket se tashmë pritja do të përfundojë për të gjithë. Të paktën kështu lë të kuptohet vetë këngëtarja, e cila ka publikuar një fotografi përmes rrjeteve sociale ku shihet që po punohet për realizimin e videoklipit. Përkrah fotos Tuna shkruan se kënga është duke u punuar në fazën e fundit të produksionit. Xhirimet e këtij videoklipi janë realizuar në Strugë, ndërsa kënga është një projekt shumë i veçantë me të cilin Tuna shpreson të depërtojë tregun amerikan.
