Mbrëmjen e djeshme Tuna paralajmëroi 34-vjetorin e lindjes së saj në mënyrën më të veçantë. Këngëtarja publikoi në rrjete sociale një fotografi, përmes së cilës bënte autoironi me veten. “E di që kam ditëlindjen sot? – pyeta. E di. E di që edhe s’ke për të mbushur kurrë mend”, shkruante këngëtarja në postimin e saj. Menjëherë pa tij nuk munguan urimet e shumta nga kolegët dhe fansat e saj, por surprizën më të bukur ajo e ka marrë ditën e sotme nga partneri. Patrisi ka gjetur mënyrën më të bukur për ta surprizuar Tunën për këtë ditë të rëndësishme në jetën e saj. Muzikanti i njohur ka publikuar në ‘Instagram’ një video në të cilën shihet se ka zbukuruar të gjithë shtëpinë me tullumbace, për rastin e ditëlindjes së Tunës. Bashkangjitur videos Patrisi ka shkruar: “Të dua Tuna! Gëzuar ditëlindjen”.
Çifti i njohur ka treguar se është gjithmonë shumë i kujdesshëm ndaj këtyre datave të shënuara në jetën e tyre dhe nuk kanë munguar asnjëherë surprizat e veçanta ndaj njëri-tjetrin. Kujtojmë se prej majit të 2017-tës, Tuna dhe Patrisi janë prindër të një djali të quajtur, Tian. /revistawho.com
