Mbrëmjen e djeshme Elvana Gjata dhe Ermal Mamaqi udhëtuan drejt Kosovës për të promovuar filmin e tyre “Dy gisht mjaltë”. Njësoj si në Shqipëri edhe në Kosovë filmi pati një sukses të jashtëzakonshëm dhe arriti të thyente rekordin e filmave shqiptarë për biletat e shitura. Përveç fansave të Elvanës dhe Ermalit, në promovimin e Kosovës nuk kanë munguar as personazhet e njohur. Ndër ta ishin të pranishëm edhe kolegë të Elvanës si Armend Rexhepagiq dhe Tuna, të cilët kanë mbështetur këngëtaren. Tre artistët kanë pozuar bashkë për një fotografi dhe Tuna nuk ka ngurruar të shprehë lumturinë për suksesin e mikes së saj. Duke e vlerësuar Elvanën si aktore, ndër të tjera Tuna edhe e ka paralajmëruar se nuk do ta lejojë të heqë dorë nga muzika. “Nga premiera e filmit ‘2 gisht mjaltë’ në mbështetje të Elvana Gjatës, që dëshiron të na ik në ujërat e aktrimit. Nuk të lëmë jo”, – ka shkruar Tuna bashkangjitur fotos.
Dy këngëtaret prej vitesh ruajnë një miqësi shumë të mirë dhe asnjëherë nuk e kanë konsideruar njëra-tjetrën si konkurente në muzikë. /revistawho.com
