Kishte kohë që pritej albumi i ri i këngëtares shqiptare Tuna Sejdiu dhe mesa duket, momenti erdhi. Tuna do të mbajë një koncert më datë 8 mars në Shkup, ku do të promovojë albumin e saj “Fortuna”. Lajmin e ka publikuar në ‘Instagram’ një nga bashkëpunëtoret e saj të ngushta në Tiranë, grimierja Eva Dibra. “E dashur Eva,
Dua të ta tregoj një histori. Është e imja, e një mikes sime, e një mikut tim…ndoshta edhe e jotja. Eja më dëgjo”, shkruante Tuna në ftesën e saj.
Mesa duket, koncerti do të jetë i organizuar vetëm me ftuar, personazhe të njohura apo familjarë. Momentalisht këngëtarja nuk ka publikuar asnjë detaj tjetër, kështu që nuk ka mbetet asgjë tjetër veç se të presim. Ndoshta mesazhi i albumit përkon me datën 8 mars që Tuna ka zgjedhur të mbajë koncertin. Pas shumë kohësh larg, ky do të jetë rikthimi i saj në skenë./revistawho.com
