Një tunel në Ukrainë që duket si prej një libri përrallash, josh shumë turistë dhe çifte të dashuruarish për të bërë foto e për të propozuar për martesë. Por vetë nuk ka lindur nga dashuria. Fotografi Amos Chapple, nga “Radio Free Europe”, foli me vendasit për historinë e tunelit të mrekullueshëm që është i formuar nga degë pemësh, mes të cilave futen rrezet e diellit me shumë romanticitet. Ai mësoi se pemët janë krijuar ashtu për të mbuluar shinat e trenit që shkonte në një bazë ushtarake aty pranë, gjatë kohës së luftës. Një tren i vjetër vazhdon edhe sot të kalojë çdo ditë, duke ruajtur pa dashur formën e tunelit madhështor, i cili ofron pamje fantastike në çdo stinë.
Dev by Techzero1.com