Pas shumë kohësh larg muzikës, Tuna vendosi të rikthehet me një album. Albumi titullohet ‘Fortuna’ dhe mbrëmjen e djeshme, ajo bëri prezantimin e tij nëpërmjet një koncerti në Shkup. Koncerti bëri shumë bujë dhe shumë media shkruajtën për të, madje disa e cilësuan këngëtaren si një ‘divë’. Kjo gjë nuk i ka pëlqyer aspak Olti Currit, i cili ka reaguar menjëherë në ‘Instagram’. “Ku e panë divën në këtë koncert? Apo tek fustani atllas që duket si perde e teatrit të kukullave? Te skenografia me tre karrige dhe një ekran që duket si shfaqje maturantësh në një klasë gjimnazi për mbylljen e vitit shkollor? Apo te skena që duket si kabinë dushi, aq e vogël që po të hapë krahun Tuna i thyen turinjtë orkestrës ose balerinëve. Po masa të rrepta sigurie pse? Tuna nuk ka lënë ‘fast-food’, lokal, lulishte pa kënduar dhe nuk e ka prekur askush me dorë. Gjynah kolegë gazetarë që tallen kështu me një artiste”, ka shkruar Olti. Nuk është hera e parë që gazetari i njohur shpreh mendimin e tij të drejtpërdrejtë për personazhe të ndryshëm, megjithatë tani na mbetet të presim nëse do të ketë një reagim nga Tuna./revistawho.com
