Këngëtarja Demi Lovato këtë vit do të organizojë turneun ‘Tell Me You love Me’ (Më thuaj që më dashuron), i cili mund të ndryshoj jetën e fansave të saj. Koncertet e këngëtares 25-vjeçare do të kenë fjalime frymëzuese dhe terapi në grup për të promovuar dialogun për shëndetin mendor. Demi Lovato është bashkëpronare e një qendre trajtimi në Los Angeles dhe në vitin 2011 ajo ka qenë dhe vetë paciente në këtë qendër. “Do të ketë seanca terapie përpara koncerteve dhe do të kemi njerëz që do të mbajnë fjalime frymëzuese ose organizata bamirësie që do t’i ndihmojnë të gjithë.” Demi ka thënë se dëshiron ta bëjë këtë gjë, sepse herën e fundit që ndihmoi njerëzit në turne për të ishte një eksperiencë e paharrueshme.
