Para disa javësh burime për “RevistaWho.Com” treguan se moderatoren Orinda Huta sezoni ne ri do e shohim nën logon e televizionit “Klan” në emisionin “Jo Vetëm Modë”. Pas këtij lajmi Orinda zgjodhi të mos tregojë asnjë detaj dhe së fundmi ka qenë bashkëshorti i saj Turi, i cili ka konfirmuar zërat. Në një intervistë për “Klan” moderatori ka treguar lidhur me eksperiencën e re në këtë televizion dhe risitë e shumta. Duke qenë se Turi gjatë kësaj periudhe do të jetë shumë i angazhuar në postin e ri si producent, prezantues gjithashtu edhe si Drejtor i Përgjithshëm i “Klan Plus”, nuk i ngelet shumë kohë për të kaluar me Orindën. I pyetur nga gazetari nëse Orinda ndihet e lënë pas dore për këtë, Turi konfirmoi se bashkëshorten do e ketë në të njëjtin televizion.
“Orinda ka ardhur në Tv Klan. Në dijeninë time, ajo ka mbyllur një kontratë ku do të bëjë “Jo vetëm modë” dhe do të jetë tek juria e “Këngës Magjike”.
Përsa i përket pyetjes, Orinda nuk ka si të ngelet pas dore, pasi dita për mua mbyllet në orën 7:00 dhe unë jam i lirë. Duke qenë në të njëjtin zanat ne e mirëkuptojmë njëri-tjetrin. Unë kam një avantazh që nuk fle natën, kështu që e kompensojmë”,- shprehet Turi.
Më pas Turi ka treguar se synimet e tij për në televizionin “Klan” janë afatgjata, prandaj është duke punuar shumë për këtë./revistawho.com
