Pak ditë më parë në media u përfol se moderatori Turjan Hyska do largohej nga televizioni ku po punon aktualisht “Vizion Plus”, për të shkuar në “Tv Klan”. Këtë lajm Turi e përgënjeshtroi nëpërmjet një postimi në ‘Instagram’ ku shkruante se lajmi ishte i rremë. Por pas kësaj ai u fotografua teksa takonte pronarin e ‘Tv Klan’, Aleksandër Frangajn dhe dyshimet u shtuan përsëri.
Ditën e sotme burime për ‘Gazetën Express’ tregojnë se tashmë kontrata është firmosur dhe së shpejti Turin do e shohim në televizionin e ri “Klan Plus”, ku do të ketë postin e Drejtorit Ekzekutiv. Gjithashtu thuhet se ai do të sjellë në “Tv Klan” spektaklin e humorit “Apartamenti 2XL”. /revistawho.com
