Turjan Hyska ka qenë një nga personazhet më të përfolur muajt e fundit, për shkak të lëvizjes së tij nga “Vizion Plus” në “Klan Plus”. Pas gjithë thashethemeve që u shpërndan në media, Turi pranoi largimin nga “Vizioni” dhe fillimin e një pune të re si drejtori i përgjithshëm në “Klan Plus”. Ndërsa këto kohët e fundit Turi ka vënë re se në jetën e tij gjithmonë do ta shoqërojë “plusi” me vete. Ai ka publikuar në ‘Instagram’ një video në të cilën duket se nga një zyrë është duke ndjekur edicionin informativ në “Klan Plus”. Por përveç kësaj, Turi ka paralajmëruar se “Klan Plus” do të transformohet nën drejtimin e tij. “Nuk mu nda plusi. Nuk keni parë asgjë akoma. Qëllime të reja”, – ka shkruar ai bashkangjitur videos.
Kujtojmë se në një intervistë të pak kohëve më parë, Turjani ka thënë se pasi të marrë drejtimin shpreson që “Klan Plus”-in ta kthejë në një media gjeneraliste dhe në një konkurrent mjaft të denjë për tregun mediatik shqiptar. /revistawho.com
