Programi i humorit në ‘Tv Klan’, ‘Klanifornia’ pritet të sjellë shumë surpriza për të gjithë teleshikuesit natën e ndërrimit të viteve. Ka qenë producenti i tij ekzekutiv, Turjan Hysko, i cili ka zbuluar me anë të disa postimeve në rrjetet sociale mbrëmjen e kaluar, se pjesë e shfaqjes në datë 31 dhjetor do të jenë emra të njohur të ‘showbiz-it’ shqiptar, si Monika Kryemadhi e shumë të tjerë.
Ndërsa pak minuta më parë, Turi ka treguar disa figura të tjera të njohura si Alba Hoxha, Getoar Selimi dhe ribashkimin e grupit të dashur ‘The Shblsh’.
“Sa i lumtur jam për këtë moment. Sërish bashkë vetëm në ‘Klanifornia’. ‘Shblsh’ po kthehen”, ka shkruar Hysko krah postimit ku shfaqen aktorët e njohur, Gentian Zenelaj, Julian Deda dhe Ermal Mamaqi së bashku.
Turjani ka premtuar një spektakël të vërtetë mbrëmjen e ndërrimit të viteve dhe me siguri fansat po e presin me padurim këtë puntatë./revistawho.com
https://www.instagram.com/p/B6lfv_VpMXn/
