Gratë dhe vajzat turke kanë dalë në protestë pas vrasjes së një studenteje nga Mugla. Pinar Gultekin është e reja e cila u dhunua dhe u vra nga ish i dashuri i saj. Ajo u shpall e humbur nga familja pasi prej ditësh nuk kishte kontaktuar me ta. Më pas nga kërkimet e policisë, trupi i Pinarit u gjet në një pyll. Mediat turke raportojnë se Pinar ishte dhunuar dhe më pas vrarë nga ish i dashuri Cemal Metin Avci. Pinar ishte 27 vjeç dhe kishte studiuar ekonomi. Ajo kishte qenë në një lidhje me Cemal, por kishte vendosur të ndahej kur kishte zbuluar se ai ishte i martuar. Cemal i kishte kërkuar Pinarit të sqarohej dhe e kishte çuar me makinë në vendin ku ndodhi vrasja. Gratë dhe vajzat kanë dalë për të protestuar për të drejtat e tyre pas kësaj ngjarje tronditëse. Mes tyre ishte edhe aktorja e njohur turke Sevval Sam nga seriali “Molla e ndaluar”./revistawho.com
