Një postim i vitit 2012 në një profil në ‘Twitter’ ka shokuar fansat, teksa është rikthyer në kujtesë ditën e djeshme. Në postim shkruhet se Kobe Bryant do të vdesë në një aksident me helikopter. “Kobe do të përfundojë i vdekur në një përplasje helikopteri”, tha një përdorues në Twitter me pseudonimin “Noso”. Reagimet e fansave ishin të ashpra, shumica e tyre duke i thënë që ai të fshijë tweet-in.
“Dreq. Më vjen keq,” u përgjigj përdoruesi. Ish-basketbollisti legjendar u nda nga jeta në moshën 41-vjeçare pas një aksidenti me helikopter në Calabass, Californi. Në këtë përplasje që rezultoi fatale humbën jetën 9 persona, mes tyre edhe vajza 13-vjeçare e Kobe.
