“Ty s’të jap asnjë monedhë”, Johnny Depp e tepron me këngën kushtuar Amber Heard

Edhe pse gjyqi mbaroi, dokumenta të tjera kanë dalë në sipërfaqe dhe Johnny Depp dhe Amber Heard sërish janë rikthyer në vëmendje. Si të mos mjaftonin akuzat e reja mes njëri-tjetrit, thuhet se Depp i ka kushtuar dhe një këngë Amber-it dhe duhet thënë që e ka tepruar me fjalët duke e përulur figurën e saj dhe duke e krahasuar me një qen. “Mendoj se ke thënë mjaft, je ulur aty si një qen që ka kruarje shtatëvjeçare… edhe një monedhë të kisha, ty s’do ta jepja”, këndon ai në një këngë të quajtur “Sad Motherf**kin’ Parade”. Depp ka regjistruar një album të ri me Jeff Beck dhe thuhet se ka këngë që flasin për ish-gruan e tij Amber Heard. Beck dhe Depp bashkëpunuan në albumin e ri pasi Beck e ftoi papritur Depp që t’i bashkohej atij në turneun në Mbretërinë e Bashkuar. Tekstet e këngëve kanë shkaktuar mjaft polemika në rrjetet sociale, mirëpo Depp nuk e përmend Heard në emër, kështu që të gjitha mbeten spekulime.