Tyga në borxhe, tmerrohet Kylie Jenner

Mesa duket reperi Tyga po has probleme të mëdha financiare pasi ka për të shlyer rreth 480.000 dollarë qeradhënësit të tij për dëmtimin e një apartamenti e Malibu. 26-vjeçari ka shkatërruar ambjentet e apartamentit duke organizuar festa të çmendura me miqtë e tij. Në vend që ta arrestonte, gjykata vendosi që Tyga do t’i shlyente qeradhënësit një shumë të madhe parash por reperi as nuk e vë ujin në zjarr për këtë fakt. Së fundmi ai i ka blerë të dashurës së tij Kylie Jenner një makinë të re e cila kushton 200,000 dollarë dhe kjo nuk i ka shpëtuar qeradhënësit të tij i cili do ta sjellë reperin përsëri në sallat e gjyqit. Nga ana tjeter Kylie nuk ishte në dijeni të këtij problemi madhor dhe është e frikësuar se i dashuri i saj do të dënohet me burg ose do të mbetet trokë.