Gjatë ditës së sotme në të gjitha mediat ka qarkulluar lajmi se reperi Stresi është arrestuar nga policia. U tha se në lokalin në të cilin po qëndronte ai së bashku me disa miq të tij janë gjetur doza lëndësh narkotike të tipit kokainë. Megjithatë nuk pati një deklaratë zyrtare nga ana e policisë dhe nuk e kuptua se çfarë ndodhi realisht.
“Gazeta Shqiptare” ka zbuluar deklaratën e policisë sipas së cilës Arkimed Lushaj i njohur si Stresi është arrestuar në flagrancë, ndërsa tre persona të tjerë po procedohen në gjendje të lirë. Në njoftimin zyrtar të policisë thuhet: “Janë sekuestruar në cilësinë e provës materiale një qese ambalazhi brenda të cilës kishte një sasi pluhuri me ngjyrë të bardhë e dyshuar e llojit kokainë, një pjatë porcelani ku sipër saj kishte një sasi pluhuri me ngjyrë bardhë dhe dy karta karburanti”. Tani duhet të presim orët në vijim të mësojmë se çfarë do të ndodhë me reperin. /revistawho.com
