Pak ditë më parë, këngëtari i njohur, Sidrit Bejleri u bë sërish baba me një tjetër vajzë duke përjetuar një nga ndjesitë më të veçanta, emocionet e të cilës nuk ngurroi t’i shprehë edhe në publik për të gjithë ndjekësit e tij. Megjithatë në postimin e fundit që ai ka bërë në ‘Instagram’, ka zbuluar se pavarësisht ardhjes në jetë të vogëlushes, artisti ka shumë arsye për të qenë i lumtur.
“Se na i mori mendjen e vogla, por kjo e madhja mbaroi parashkollorin para disa ditësh. Duke u përgatitur për klasën e parë”,- ka shkruar Bejleri në foton e publikuar ku dallohet vajza së bashku me fletën lavdëruese për arritjet e larta në mësime.
Siç duket Sidriti është duke përjetuar një nga periudhat më të ëmbla të jetës së tij, për shkak të arritjeve të vajzës së madhe siç e quan ai, por dhe vogëlushes e cila ka pak ditë që ka ardhur në jetë. Menjëherë pas këtij momenti, kanë qenë të ndryshëm fansat e Bejlerit, të cilët e kanë komplimentuar dhe uruar njëherazi këngëtarin për të dyja vajzat./revistawho.com
