Në dhjetor të vitit që lamë pas dyshja e njohur, Mozzik dhe Loredana u bënë prindër për herë të parë. Në jetë erdhi vogëlushja e tyre, të cilën e pagëzuan me emrin Hana. Që prej ditës kur Hana ka ardhur në jetë çifti poston në rrjetet sociale vazhdimisht foto dhe video të vajzës së tyre dhe duket se janë mjaft të lumtur për të.
Së fundmi Mozzik dhe Loredana kanë dhënë intervistën e parë pas lindjes, për emisionin ‘Sevenbizz’, ku kanë folur për ndjesinë e prindërimit.
”Nuk e kam besuar derisa erdhi momenti që lëvizi pak. Aty e kuptova që kam një fëmijë në bark. Deri atëhere e kisha ptoblem që nuk më ishte rritur barku, e kisha ende të hollë”, u shpreh Loredana.
”Kanë qenë momente të papërshkrueshme, është ndjenjë e re, ndjenjë që nuk ishte më herët dhe u shfaq tani. Kemi qarë të dy kur e mësuam”, tregoi Mozzik.
Mozzik dhe Loredana zgjodhën që pai vogëlushja erdhi në jetë, të mos bënin shkëputje nga muzika. Gjatë koncerteve të fundvitit ata ishin mjaft aktivë në lokalet e natës./revistawho.com
