Reperi i njohur Fero ka reaguar për herë të parë pas publikimit të aktakuzës ndaj tij, duke e cilësuar mënyrën e trajtimit të rastit në media si të padrejtë dhe në kundërshtim me ligjin. Përmes një deklarate zyrtare të shpërndarë në llogarinë e tij në Instagram, e nënshkruar nga avokatja mbrojtëse Bedrie Berisha Rexhepi, ai ka ngritur shqetësime serioze rreth rrjedhjes së informacionit nga seanca e 25 qershorit.
Sipas deklaratës, seanca ishte e mbyllur për publikun dhe shpërndarja e dokumenteve apo detajeve nga ajo përbën një shkelje të rëndë të procedurave ligjore. Fero thekson se aktakuza ende nuk ka marrë formë të prerë dhe publikimi i saj synon të manipulojë opinionin publik në mënyrë të qëllimshme.
Publikimi i aktakuzës është i papranueshëm, pasi nuk ka marrë ende formë të prerë dhe synon të ndikojë opinionin publik në mënyrë të padrejtë”, thuhet në deklaratë.
Në të njëjtin reagim, bëhet e ditur se edhe ish-bashkëshortja e reperit, modelja Arbenita Ismajli, është nën hetim penal nga Prokuroria Themelore në Gjilan. Fero shprehet se gjithë ky proces po shfrytëzohet për të dëmtuar imazhin e tij, por thekson se nuk do të ndalet në përpjekjen më të madhe të tij: të fitojë të drejtën për të parë vajzën e tij.
