Qeveria shqiptare ka miratuar vendimin për pezullimin e aksesit në rrjetin social “TikTok” për një periudhë 12-mujore.
Lajmin e ka bërë të ditur ministrja e Arsimit, Sportit dhe Rinisë, Ogerta Manastirliu, pas mbledhjes së qeverisë. Sipas saj, tashmë ka nisur komunikimi me kompaninë për të zbatuar këtë vendim, i cili synon të mbrojë interesin e fëmijëve dhe sigurinë publike në mjedisin dixhital.
Kryeministri Edi Rama theksoi se ky hap është marrë pas konsultimeve me 65 mijë prindër dhe mësues, të cilët kanë shprehur shqetësimet e tyre për ndikimin e platformës tek të rinjtë.
