Khloe Kardashian iu nënshtrua një operacioni për heqjen e një tumori në faqen e saj të majtë vitin e kaluar, kur mësoi se kishte melanoma.
Melanoma, lloji më serioz i kancerit të lëkurës, zhvillohet në qelizat (melanocitet) që prodhojnë melaninë – pigmenti që i jep ngjyrën lëkurës suaj.
Në një trailer për sezonin e ardhshëm të Hulu’s The Kardashians, Khloé ndau imazhe të prerjes së madhe vertikale në fytyrën e saj. Në një foto pas operacionit, një mjek mund të shihet duke mbajtur një vizore mbi prerjen e sapoqepur për të treguar se ishte katër centimetra e gjatë.
Në tetor të vitit 2022, Khloé u kishte shpjeguar ndjekësve të saj se përse e mbante fashën në fytyrë kur ata filluan ta pyesnin. Ajo pranoi se duhet t’i nënshtrohej “operacionit të menjëhershëm” pasi u konstatua një gungë e mbetur në faqen e saj, e cila më vonë u zbulua se ishte kanceroze.
“Ajo gjë në fytyrën e saj është shumë shqetësuese”, thotë Kris Jenner, përpara se të shfaqte pamjet e Khloe-së duke mbajtur një fashë të madhe mbi fytyrën e saj.
“Melanoma është vdekjeprurëse. Ishte shumë më serioze nga sa prisja të ishte ”, thotë Khloe.
