Këngëtari Usher ka zbuluar se Justin Bieber mirë, vetëm një muaj pasi zbuloi se kishte sidromën “Ramsay Hunt”.
“Si artist, mendoj se ne të gjithë do të përjetojmë disa gjëra që njerëzit mund të mos i kuptojnë domosdoshmërisht. Jam i lumtur që isha në fillim dhe jam ende pjesë e jetës së tij, si mik”, ka thënë artisti për “Extra”.
Usher shtoi se është takuar me Bieber-in së fundmi dhe kanë kaluar kohë së bashku. “Unë mendoj se çfarëdo që ai mund të përjetojë tani, është në të vërtetë shumë e mrekullueshme të shohësh se ai ka mbështetjen e fansave dhe familjes së tij”, ka thënë ai. Bieber foli për sëmundjen e tij një muaj më parë, duke rrëfyer se i është paralizuar gjysma e fytyrës.
“Hej të gjithëve. Doja t’ju informoja për atë që po ndodh. Natyrisht, siç mund ta shihni me siguri nga fytyra ime, unë kam këtë sindromë të quajtur Ramsay Hunt dhe është nga ky virus që sulmon nervin në veshin tim dhe nervat e mia të fytyrës dhe ka bërë që fytyra ime të ketë paralizë. Siç e shihni, ky sy nuk mund të mbyllet. Unë nuk mund të buzëqesh me këtë anë të fytyrës sime, kjo vrimë e hundës nuk do të lëvizë, kështu që ka paralizë të plotë në këtë anë të fytyrës sime”, tha ai asokohe.
Sindroma Ramsay Hunt është shkaku i dytë më i zakonshëm i paralizës atraumatike periferike të fytyrës, pas paralizës së Bell-it, por pak më i rëndë. Megjithatë, ajo ndodh vetëm në rreth pesë në 100,000 njerëz. Shkaktohet nga riaktivizimi i virusit të herpesit në fytyrë, gjë që i bën të prekshëm njerëzit që kanë kaluar linë e dhenve të virusit varicella-zostar në fëmijëri.
