Justin Bieber është rikthyer në skenë.
Ai është shfaqur një natë më parë në Itali në Festivalin Veror “Lucca”.
Bieber u detyrua të anulojë shfaqjet e tij si pasojë e sindromës “Ramsay Hunt”, që i paralizoi pjesërisht fytyrën.
Ai ka publikuar disa foto e video në “Instagram”, ku ndër të tjera shkruan: “Ju dua dhe më kishit munguar”.
Që prej diagnostikimit, Bieber është përmirësuar ndjeshëm.
Usher dha informacion për gjendjen shëndetësore të Justin Bieber disa fitë më parë, duke theksuar se është më mirë.
“Si artist, mendoj se ne të gjithë do të përjetojmë disa gjëra që njerëzit mund të mos i kuptojnë domosdoshmërisht, dhe një jetë që vjen me një presion të madh. Unë mendoj se ai padyshim e ka marrë botën si një udhëtim. Jam i lumtur që isha në fillim të udhëtimit të tij dhe jam ende pjesë e tij edhe sot e kësaj dite, si mik. Mendoj se sido që të jetë ai duke e përjetuar tani, është vërtet e mrekullueshme të shohësh se ai ka mbështetjen e fansave dhe familjes së tij”, tha ai disa ditë më parë.
