Vetëm disa ditë pasi u bë nënë për herë të parë, këngëtarja Dafina Zeqiri ka ndarë me publikun momentin e bukur të lindjes dhe emrin e të voglit që ajo dhe partneri i saj, Kreshnik Gjergji, kanë zgjedhur: Daskan.
Pas publikimit të parë të një fotoje prekëse të këmbëve të foshnjës, fansat nuk vonuan të shfaqnin interesin për emrin jo të zakonshëm. E pikërisht Kreshniku ka zgjedhur të ndajë me ndjekësit kuptimin e thellë dhe simbolik të këtij emri përmes një komenti që ka marrë mjaft vëmendje:
“Daskan – Emër me rrënjë ilire, që mbart forcën e burrërisë, nderit dhe udhëheqjes. Një emër që tingëllon lashtësi, si zëri i një prijësi fisnor. Daskan është emër – është krenari, është gjak ilir.”
Ky koment u prit ngrohtësisht në rrjete sociale, ku shumë e cilësuan si një shpjegim që ngjall ndjenja identiteti, trashëgimie kulturore dhe krenarie kombëtare.
