Reperi Pat Stay ka ndërruar jetë në moshën 36-vjeçare. Reperi kanadez vdiq të dielën në orët e para të mëngjesit pasi u godit me thikë në qendër të qytetit Halifax, Nova Scotia. Policia e ka gjetur reperin, emri i vërtetë i të cilit është Patrick Wayne Stay me plagë dhe e dërgoi në një spital aty pranë ku ndërroi jetë.
Vdekja e reperit është cilësuar si vrasje dhe aktualisht është nën hetim.
“Deri më tani nuk ka asnjë të arrestuar”, tha policia. Shumë artistë i dhanë lamtumirën e fundit reperit.“Hip hop humbi një nga luftëtarët më të mëdhenj të të gjitha kohërave… Pusho në paqe, mbretërit nuk vdesin kurrë”, ka shkruar Eminem.
