Mbrëmjen e djeshme në programin e Jonida Shehut ishin të ftuar shumë emra të njohur për publikun si Ori Nebiaj, Juela Meçani, Memli Krasniqi, Reila Bozdo, Julian Deda, Ardian Isufi, Neda Karafili dhe Arben Skënderi, në temën “Vip-at në politikë”. Ata ishin të ftuarit e të mërkurës për të diskutuar se si kanë kaluar nga arti në politikë. Gjatë bisedës së zhvilluar, ish-zëdhënësja e politikanit të njohur, Sali Berishës, Juela Meçani ka treguar se gjatë asaj periudhe është imituar nga Julian Deda në programin e humorit “Portokalli” dhe ajo nuk e kishte përjetuar aspak mirë. “Unë u mërzita shumë dhe ndërkohë kam marr doktorin në telefon dhe i them: Doktor çfarë janë duke bërë, çfarë është kjo?”, ka treguar Juela duke shtuar se Sali Berisha i kishte thënë që ky imitim ishte një gjë shumë e mirë për të. “Është gjë shumë e mirë se ku ka dalë zëdhënësja apo zëdhënësi im ndonjëherë në ndonjë rol në Portokalli”, ka treguar Juela gjatë emisionit. Kujtojmë se politika ka qenë gjithmonë pjesë e skeçeve dhe humorit në programe të ndryshme, dhe e interpretuar nga aktorë të shumtë.
