Dafina Zeqiri ka dhënë një mesazh të fortë për të gjithë ata që kanë komentuar performancat e saj gjatë shtatzënisë. Në një postim në InstaStory, këngëtarja ndau ndjenjat e saj rreth pasionit për muzikën dhe mënyrës se si ajo ka qenë një pjesë e pandashme e jetës së saj që nga fëmijëria.
Përkundër komenteve që sugjerojnë se ajo duhet të ngadalësojë ritmin, artistja i bëri të qartë se nuk e sheh shtatzëninë si një pengesë për të vazhduar karrierën. Ajo foli hapur për perceptimet ndaj grave që punojnë gjatë kësaj periudhe dhe sfidat që ato hasin nga shoqëria. “Jam një dëshmi e kësaj fuqie”, theksoi ajo, duke nënvizuar forcën dhe vendosmërinë e grave për të përballuar çdo sfidë.
Mesazhi i saj ka ngjallur reagime të shumta nga fansat, të cilët e kanë mbështetur për qëndrimin e saj dhe vendosmërinë për të mos u ndalur as në këtë fazë të jetës.
