Moderatorja Kiara Tito ka zgjedhur të reagojë pasi u përball me kritika të shumta në rrjete sociale për veshjen që kishte zgjedhur në ditëlindjen e parë të vajzës së saj, Luna.
Përmes një postimi në Instagram, Kiara ndau një foto nga sfilata e Chanel për koleksionin pranverë-verë 2002, duke treguar se nga aty kishte marrë frymëzim për veshjen që kishte veshur në festën familjare.
“Për fustanin e ditëlindjes së Lunes u frymëzuam nga një sfilatë e Chanel koleksioni pranverë-verë i vitit 2002, për të gjithë kritiket,” – shkruajti ajo, duke e shoqëruar deklaratën me një notë ironie.
Për të sqaruar edhe një koment që ishte bërë shpesh, ajo shtoi: “Dhe jo, nuk kisha vapë, isha super rehat!”
Ky reagim i qartë i Kiara Titos duket se synon të japë një mesazh për të gjithë ata që e kritikojnë për zgjedhjet e saj personale, duke treguar se ajo qëndron pas stilit të saj me vetëbesim.
