Olsi Bylyku është një ndër personazhet e njohur i cili u bë pjesë e ndryshimeve në merkaton televizive. Ai u largua nga spektakli i humorit “Portokalli” në “Top Channel”, për të kaluar tek “ E Diela Shqiptare” në “Tv Klan”.
I ftuar ditën e sotme në emisionin “Trokit” Olsi tregoi disa detaje lidhur me “B.E Caffe”, ku do të jetë krahas kolegëve Bes Kallaku dhe Erion Isai. Përgjatë intervistës ai tha se arsyeja e largimit nga “Portokalli” nuk ka lidhje me pagesën, por dëshirën për të punuar me me Besin dhe Erionin.
“Nuk jam më i shtrenjtë sesa në Top. Jam aty-aty. Kam shkuar në Klan afërsisht me të njëjtën pagesë që kisha në Top. Nuk kam shkuar me një blerje të madhe. Nuk ka qenë kusht pagesa. Unë, Besi dhe Erioni kemi një punë që e bëjmë për të mirën e emisionit. Ndikimi monetar nuk ka qenë absolutisht fare. Ne thjesht kemi dashur të punojmë të tre. As unë, as Besi as Erioni nuk kemi pagesa marramendëse”, u shpreh Olsi.
Tre aktorët do i shohim së shpejti në transmetim./revistawho.com
