Në mediat e huaja shikojmë shumë raste dhe rrëfime, ku të rinjtë që ndryshojnë gjininë janë të shumtë dhe atje ky fenomen është më i pranueshëm duke parë popullsinë dhe mentalitetin që kanë. Por, në Shqipëri diçka e tillë është shumë e vështirë për tu pranuar. Një djalë shqiptar është larguar nga Shqipëria me emrin Rei dhe është kthyer si femër që njihet me emrin “Linda”, e cila është modele dhe grimiere që jeton në Itali, gjithashtu ajo organizon evente e festa të ndryshme.
Ajo është larguar si mashkull nga Shqipëria e vitit 1999 por është kthyer tashmë si Linda, e ftuar sot në Top Show ajo ka rrëfyer paragjykimet, diskriminimin dhe mohimin prej babait të saj, i cili nuk është kujdesur asnjëherë për të, pasi ka qenë pijanec. “Linda” ka treguar momentin kur kuptoi se ishte një femër në trupin e një mashkulli dhe si e mori vendimin për të ndryshuar gjininë: “Që në klase te shtate fillova te mbaj flokë te gjate te vesh pantallona te ngushta, bluza te shkurtra e filloi ndryshimi dalengaldale. Më pas fillova te punoj si parukiere ne Itali”.
Pasi ajo është bërë femër, ka rrëfyer rastet kur është refuzuar nga meshkujt pasi u ka thënë që është një transgjinore, gjithashtu ajo është shprehur se nuk beson më në dashuri.
Në vijim të intervistës së saj në Top Show transgjinorja Linda u shpreh edhe sa i përket marrëdhënies me të afërmit sidomos me gjyshen. Ndonëse rrethi i saj i ngushtë e ka mbështetur dhe pranuar me gjyshen nuk ka ndodhur e njëjta gjë. Ajo e ka takuar por i ka qëndruar ftohtë. “nuk e ndjeva si gjyshen time”, theksoi Linda. Sa i përket dashurisë Linda u shpreh se është e zhgënjyer nga dashuria. Ajo theksoi se kur i pëlqen vërtet një djalë i thotë për shndërrimin që në takimin e parë, nëse nuk i pëlqen nuk shprehet. Por ajo çfarë bëri përshtypje ishte deklarata se ajo nuk mund të shikonte dhe partnere Albana Osmanin. Më pas transgjinorja u ngrit dhe e puthi moderatoren. Ndër të tjera Linda theksoi së nuk ka puthur kurrë një femër.
