U larguan nga pallati mbretëror për të jetuar në fshat, kjo është arsyeja pse Meghan dhe Harry morën këtë vendim

Prej disa muajsh Meghan Markle dhe Princ Harry janë zhvendosur në fshatin Frogmore, vend në të cilin po rrisin edhe djalin e tyre. Si fillim u tha se ata u larguan nga pallati mbretëror për shkak të debateve të shumta me mbretëreshën, Kate Middleton e Princin William. Por në fakt duket se ata kanë bërë këtë zgjedhje, sepse Meghan nuk ndjehet komode në pallatin mbretëror. Burime për “Us Weekly” kanë treguar se i pëlqen të jetojë në fshat, sepse ajo është klaustrofobike. “Asaj i pëlqen shumë të jetojë në Windsor. Është më pak e komplikuar për të që ta vizitojnë miqtë dhe ndjehet më pak klaustrofobike se në pallatin mbretëror”, kanë thënë burimet. Më pas ato kanë zbuluar se Meghan dhe Harry ju pëlqen jeta e qetë dhe private e fshatit, sepse duan që djali i tyre të mos jetë shumë i ekspozuar ndaj mediave apo publikut. Çifti mbretëror ka treguar se dëshirojnë që djali i tyre të rritet si në një familje normale, ndaj ata nuk kanë punësuar as shumë dado për përkujdesjen ndaj tij. Kujtojmë se fëmija i Meghan dhe Harry, Archie, erdhi në jetë në 6 maj dhe në ditën e pagëzimit ata e prezantuan djalin me gjithë botën. /revistawho.com