Përpara 2 ditësh Alban Skënderaj mbajti një koncert recital në Prishtinë, “Hapësira e një ëndrre”, ku këndoi këngët e tij më të bukura ndër vite. Albani e ka pasur gjithmonë dashurinë e publikut të Prishtinës, ndaj edhe këtë herë u prit me shumë ngrohtësi nga adhuruesit e muzikës së tij. Së fundmi në një intervistë për ‘Prive’, Albani e ka cilësuar këtë si momentin kulminant në karrierën e tij, sepse koncerti recital është gjëja më e madhe që mund t’i dhurojë publikut.
Këngëtari nuk mundi të anashkalonte dhe pyetjet në lidhje me jetën e tij private, duke qenë se kohët e fundit kanë ndodhur shumë gjëra. Në 7 maj ai dhe partnerja e tij prej 12 vitesh, Miriam Cani, kurorëzuan me martesë dashurinë e tyre në Maldives. Kur u pyet nga ‘Prive’ përse zgjodhën pikërisht këtë vend Albani tha se ishte e mirëmenduar, sepse atyre asnjëherë nuk ju kanë pëlqyer dasmat madhështore.
https://www.instagram.com/p/Bx64V08ASj9/
“Ishte një ndjenjë fantastike, ne nuk kemi qenë ndonjëherë për dasmat pompoze, madhështore, me shumë njerëz, e kemi pak të vështirë, jemi vetë si natyra të tilla. Për ne ishte fantastike të kishim njerëzit tanë afër, vajzën tonë në një vend magjik. Fakti që ne ishim fejuar aty në të njëjtin vend për ne ishte diçka shumë speciale, ndoshta simbolike, por gjithsesi një kujtim me të vërtetë shumë i bukur”, është përgjigjur Skënderaj. Tashmë ai dhe Miriami po jetojnë momentin më të bukur në jetë jo vetëm si të martuar, por edhe si prindër të një vajze dhe një tjetër engjëlli që pritet të vijë në jetë së shpejti. Kujtojmë se lajmin për shtatzëninë e dytë Miriami dhe Albani e dhanë gjatë koncertit dhe kjo erdhi si një surprizë për gjithë publikun. /revistawho.com
