Pasion, pëlqim dhe ndjenja që u ndanë para syve të gjithë shqiptarëve – historia mes Eglit dhe Gjestit dukej sikur kishte nisur me premtimin e një romane të gjatë dashurie. Por tani, gjithçka duket se është zhdukur po aq papritur sa erdhi.
Pa paralajmërim, Egli Tako dhe Gjesti kanë fshirë çdo gjurmë dixhitale të marrëdhënies së tyre. Ata nuk ndjekin më njëri-tjetrin në rrjete sociale – një veprim që për ndjekësit e tyre flet më shumë sesa një deklaratë për shtyp. “Unfollow” në këtë rast nuk është thjesht klikim, por një mesazh i heshtur që ka ndezur spekulime.
Për momentin, asnjëri prej tyre nuk ka bërë asnjë koment publik. Nuk ka deklarata, nuk ka as sqarime. Thjesht heshtje. Megjithatë, ata kanë vazhduar të jenë aktivë individualisht në rrjete sociale – por postimet e tyre nuk përmbajnë më asnjë shenjë të lidhjes që dikur i bëri të dashur për publikun.
Ky distancim ka ngritur pyetjen e pashmangshme: A është ky fundi përfundimtar i historisë së tyre apo një pauzë nga dritat e skenës?.
