Katër persona u nisën për të përfituar nga ditët e bukura të dimrit në bregun e kaltër të Nisës dhe përfunduan në qytetin Nis të Serbisë. Katër personat në fjalë kishin parë në internet disa bileta avioni “low cost” (çmim i ulët) dhe vendosën t’i blinin për të kaluar një fundjavë të gjatë në jugun e Francës. Por ata nuk e kishin imagjinuar se në Serbi një qytet me emrin Nis do t’u kishte prishur planet e fundjavës. Kur ata zbritën nga avioni mbetën të habitur, kur përpara syve ju shfaq një qytet krej ndryshe nga imazhi për Nisën e Francës. Sapo kuptuan që kishin gabuar destinacion ata udhëtuan në Sofie të Bullgarisë për të rimarrë sërish avionin, por kësaj herë avionin që do t’i kthente në atdhe.
Nis, Serbi
Nice, Francë
