Emri i këngëtares Ariana Grande ka qenë tepër i lakuar kohët e fundit për shkak të takimeve të saj me disa nga ish-partnerët, me të cilët ka pasur dikur një lidhje.
Në 2 muajt e fundit 25-vjeçarja është parë nën shoqërinë e Big Sean dhe Ricky Alvarez, emrat e të cilëve i përmendi dhe në hitin e saj ‘Thank you, next’.
Burime pranë ‘Cosmopolitan’ kanë treguar se Ariana ka dashur t’i takojë ata para se të niste turin e saj ‘Sweetener’. Ata kanë shtuar se ajo ka dashur të gjejë se çfarë nuk shkoi tek marrëdhëniet e të shkuarës që kanë përfunduar tashmë dhe ta lërë urrejtjen pas.
Kujtojmë se Grande vendosi ta niste koncertin e saj në ‘Albany’, me disa nota muzikore të cilat ishin të krijuara nga ish i dashuri i saj, Mac Miller, i cili u nda nga jeta në muajin shtator të vitit të kaluar./revistawho.com
