Lajmi se aktori i njohur, Florjan Binaj, u infektua nga Covid-19 bëri bujë në media. Flori tregoi se gjendja e tij shëndetësore ka qenë gjithmonë mjaft e mirë, megjithatë ai u izolua për 2 javë derisa lajmëroi që në tamponin e fundit kishte rezultuar negativ. Menjëherë Flori ka vendosur të shkojë drejt plazhit dhe ka realizuar një foto nga bregdeti. Ai u përball me komentet e njerëzve, tê cilët i kërkonin të mos shpërndante virusin. Aktori ka reaguar menjëherë duke publikuar në ‘Instastory’ përgjigjen e tamponit negativ dhe datat e karantinës. Sipas fletës vetizolimi ka përfunduar që në datën 29 qershor. Ndaj Flori me të drejtë i është rikthyer normalitetit dhe po shijon ditët e ‘lirisë’.
