Besojmë se shumë prej jush e kujtojnë historinë e bujshme prezantuar në rubrikën “Ka një mesazh për ty” tek “E diela shqiptare” disa javë më parë, midis një vjehrre dhe nuseje. Një histori shumë komplekse e cila kishte arritur në pikën që nëna e një djali të mitur nuk po arrinte të merrte të birin nga vjehrra e saj, pas ndarjes nga bashkëshorti. Kjo ngjarje tronditi opinionin publik duke marrë mijëra komente në rrjetet sociale. Njerëzit janë të interesuar nëse Eglantina nga Kuçova arriti ta marrë dot djalin nga e ëma e ish-bashkëshortit të saj Armando nga Saranda. Mesazhe të shumta kanë mbërritur në profilin e “Anna Media”, faqe e “E diela Shqiptare”. Stafi i është përgjigjur mesazhdërguesve duke njoftuar se gjyqet nuk kishin përfunduar ende, dhe Argentini i vogël akoma nuk e di se me kë do të qëndrojë.
“GJYQI QË SHTYHET TRE HERË!
Shumë miq të Anna Media-s, na kanë kontaktuar në inbox për të mësuar fatin e përballjes së nuses me vjehrrën e saj më 26 Mars, tek “Ka një mesazh për ty”.
Debati i ashpër mes nënës dhe gjyshes për kujdestarinë e Argit të vogël pritej të merrte fund në seancën e apelit të datës 11 prill.
Gjykata e Gjirokastrës në mënyrë të pashpjeguar e ka shtyrë seancën dy herë radhazi duke mos marrë një vendim as në datën 11 e as më 21 prill. Ndërkohë që palët presin datën 5 maj duke shpresuar që të jetë e fundit, ai që po e vuan gjithë këtë kalvar ligjor mbi të gjitha është Argentini i cili ende nuk e di se ku do të jetë shtëpia e tij nesër”, shkruhej pak më parë në faqen “Anna Media”./ revistawho.com
