U përplas me shkëmbin, këngëtarja shqiptare zbulon incidentin e frikshëm

Këngëtarja Flaka Krelani ka qenë e ftuara e radhës në rubrikën ’10 gjëra që nuk i dini për…’ në ‘Prive’. Këngëtarja ka rrëfyer shumë të pathëna, ndër to dhe një nga aksidentet më të tmerrshme për të. Ajo ka treguar se gjatë pushimeve në plazh i kishte ndodhur një incident i frikshëm që mund t’i kishte marrë jetën. Flaka kishte dashur të zhytej në det dhe papritur kishte përplasur kokën në një shkëmb. “Gjithmonë kam pasur dëshirë të hidhem me stil dallëndyshe. E kontrollova terrenin, perfekt. Dola prej ujit dhe thashë që gjithçka është në rregull, mund të zhytem në ujë. Në momentin e parë që jam zhytur, rashë me kokë në gurin më të madh të cilin nuk e kisha parë. 3 sekonda që ka zgjatur, ajo pesha shumë e shpejt, si kam rënë me kokë, me atë shtypje preka kokën, hundën, mjekrën dhe gjoksin. Në sekond kam menduar vdiqa, shkova. Por gjatë proçedurës që jam zhytur deri tek pjesa e gjoksit kam kuptuar që jam akoma gjallë”, – ka treguar këngëtarja. Flaka ka thënë se sa herë që e kujton si moment preket shumë dhe nuk nguron të falenderojë Zotin që e ka ndihmuar. /revistawho.com