Ish-bashkëshorti i Parashqevi Simakut, Robert Nolfe, ka bërë një rrëfim të gjatë për “Top Story” me Grida Dumën mbrëmjen e djeshme.
Ai ka folur me detaje për historinë e tij me ikonën e muzikës shqiptare. Më poshtë gjendet pjesë nga intervistës:
Robert Nolfe: Ne diskutonim për filmin, unë nuk kam qenë shumë i pasionuar pas festivaleve në Shqipëri. Diskutohej si një femër simpatike, si një zë i ëmbël, si një njëri që interpretonte. Por jo liberale, ose ishte liberale në natyrën e saj por jo se Parashqevia ishte shumë e kufizuar, ishte një njeri që jetonte në botën e saj. Nuk është se bënte ndonjë akt jashtë skenës, por në skenë ishte e ëmbël.
Por gjithsesi, po ju them që media duhet të ketë një diskutim të gjatë rreth regjimit komunist, që quhet sot realizëm socialist sepse vazhdojmë të gënjejmë. Duhet ta trajtojmë siç ka qenë, duhet të bëjmë analiza si për historinë si për politikën, se jemi mësuar 30 vjet vetëm jemi gënjyer dhe manipuluar në sytë tanë.
Grida Duma: Luka a e ka kërkuar të ëmën? Kur ka ndodhur zhdukja e saj?
Robert Nolfe: Pjesa më e madhe e të gjitha këtyre çështjeve u trajtuan gjatë divorcit. Është në interesin tim ta shoh që ajo të jetë mirë. U preka shumë kur e pashë të buzëqeshte me Eltonin. Djali është i ri tani dhe që kur ka qenë 10 vjeç, i është marrë mendimi, prandaj foli sot me nënën e tij. E pyeta nëse ishte i gatshëm dhe ai tha po. Unë i kam dhënë një deklaratë me shkrim Eltonit, që ai është i lirë ta publikojë. Dua vetëm që familja të ribashkohet dhe ajo të jetë thesari i humbur që është rigjetur. Fundi është i bukur dhe kjo histori do të mbarojë bukur. Gjithmonë e kam vlerësuar për atë ikonë të kulturës që ishte. E kam parë me sytë e mi se sa e rëndësishme ka qenë për popullin shqiptar.
