Jennifer Lopez ka pasur një histori me reperin Diddy, pasi kanë qenë në një lidhje nga viti 1999 deri në vitin 2001. Duke u nisur nga ngjarjet e fundit që lidhen me reperin, i cili aktualisht gjendet pas hekurave, Lopez shpeshherë “ngacmohet” nga shumë persona lidhur me Diddy-n.
Sipas Daily Mail, në një moment gjatë eventit Unstoppable, një fans e pyeti Lopez: “A keni ndonjë koment për Diddy-n dhe akuzat ndaj tij?”
Këngëtarja e njohur dyshohet se u nervozua nga kjo pyetje.
Mediat raportojnë se pas këtij momenti, ajo ndërpreu menjëherë dhënien e autografeve dhe u largua nga dhoma me sigurimin e saj, ndërsa disa fansa e lutën që të qëndronte.
Ky ishte reagimi i parë publik i këngëtares për sa i përket ish-partnerit të saj, ndaj të cilit rëndojnë akuza si trafikimi i qënieve njerëzore, shantazhi dhe jo vetëm.
