Kompozitori i njohur Aleksandër Lalo është ndarë nga jeta mbrëmjen e sotme si pasojë e një infarkti. Lajmi është bërë publik nga miku i tij Petrit Ruka.
“Miq po ju ju njofoj nga Spitali Gjerman se sapo nderroj jete miku im me i afert, kompozitori Aleksander Lalo… Dhembje pa fund…”, shkran Petrit Ruka në një status në faqen e tij në Facebook. Aleksandër Lalo u shfaq edhe sonte në mbrëmje si pjesë e jurisë së “C’est La Vie”, spektaklit të “TV Klan” që është regjistruar një javë më parë dhe kompozitori i madh ka ndërruar jetë ndërkohë që programi shkonte në transmetim. Spektakli ndërpreu transmetimin në nder të tij dhe pjesa e fundit e programit me të ftuarit specialë nuk u shfaq në ekran.
Aleksandër Lalo ka kompozuar për dhjetra filma të njohur të kinematografisë shqiptare. Ai u lind më 27 prill të vitit 1949, në Tiranë.
Gjatë konkurrimit me kompozimet e tija në festivale kryesisht ka arritur vende të dyta megjithëse meloditë e tij janë të mrekullueshme.
Këto janë disa prej kompozimeve të Aleksandër Lalos:
* Tingujt e harresës (1996) (TV)
* Historiani dhe kameleoni (1989)
* Treni niset më shtatë pa pesë (1988)
* Dy herë mat (1986)
* Fjalë pa fund (1986)
* Asgjë nuk harrohet (1985)
* Fushë e blertë fushë e kuqe (1984)
* Era e ngrohtë e thellësive (1982) (TV)
* Një vonesë e vogël (1982)
* Shi në plazh (1982)
* Shtëpia jonë e përbashkët (1981)
* Thesari (1981)
* Gëzhoja e vjetër (1980)
* Nusja (1980)
* Vajzat me kordele të kuqe (1978)
* Tomka dhe shokët e tij (1977)
* Dimri i fundit (1976)
* Emblema e dikurshme (1976) (TV)
* Duke kërkuar 5-orëshin (1974)
* Odiseja e tifozëve (1972)
* Të shoh në sy(1986)
* Një gjeneral kapet rob (1980)
